Elizalde Herri Eskolako guraso guztiek osatzen dugu Guraso Elkartea. Legez, eskolan matrikulaturik dauden ikasle guztien gurasoak edota tutoreak dira Guraso Elkarteko kide (1/1993 Euskal Eskola publikoaren legea 38. artikulua).

Ikasturtez-ikasturte aldakorra den guraso talde batek hartzen du elkartearen funtzionamenduaren eta antolamenduaren ardura. Guraso hauek Talde Eragilea osatzen dute.

Gurasoek seme-alaben hezkuntza-prozesu guztian zehar parte hartzeko eta erabakitzeko eskubidea dugu.

Guraso Elkarteak seme-alabek jasotzen duten hezkuntza-kalitatea hobetzeko ekintzak sustatzen eta bideratzen ditu.

Elkartearen helburuak honako hauek dira:

• Ikastetxeko Hezkuntza Proiektua hezkuntza-komunitateko agente guztiekin elkarlanean eraikitzen dela ziurtatzea.

• Proiektu honen inguruko kultur ekintzak, prestakuntza-ekintzak, jarduera osagarriak eta eskolaz-kanpoko jarduerak Guraso Elkartearen momentuan-momentuko balioekin bat egiten dutela zaintzea, proposamenak luzatzea eta jarduera guzti hauek aurrera eramateko beharrezkoa den laguntza eskaintzea.

• Ikasleen eta gurasoen onurarako zerbitzuak eskaintzea eta antolatzea.

• Gurasoei seme-alaben heziketan orientatzea, estimulatzea eta laguntzea.

• Eskolako eguneroko bizitzan gurasoen inplikazioa indartzea.

• Eskolako kudeaketa organoetan gurasoen partaidetza sustatzea.

• Beste ikastetxeekin lankidetzarako harremanak mantentzea.

• Gurasoen eta hezkuntza-komunitatearen barneko zein kanpoko agenteen arteko zubi-lanak burutzea.

• Herrigintza sustatzea. Eskolatik herrirako, herritik ikastetxeetarako eta herritik herrirako ekintzak antolatzea eta hauetan parte hartzea.